Дерматохируршкото отстранување на базоцелуларниот карцином, иако претставува златен стандард во терапијата, може да биде невозможен практично да се спроведе во областа на лицето заради потенцијалното уништување на околното ткиво и невозможноста за естетска реконструкција потоа. Imiquimod (IMQ) може да биде ефикасна имунобиолошка алтернатива за хирургија во одредени случаи, кај имунокомпетентни пациенти.

Imiquimod (IMQ) во облик на 5% крем е имуномодулаторен и антитуморски агенс, кој се користи како топикален третман за површински базоцелуларен карцином (BCC).

Точниот механизам на дејство на imiquimod кај површински BCC не е познат. Се смета дека антитуморскиот ефект се должи на модификација на имунолошкиот одговор и поттикнување на BCC клетките да се самоуништат. Клиничките студии спроведени со цел да ја испитаат долгорочната ефикасност на 5% крем imiquimod во период од 6 седмици , нанесување еднаш дневно 5 пати седмично , прикажуваат стапка од 90% ефикасност во контролните прегледи, спроведени по 3 месеци. Клиничката ефикасност во контролите по 1 година е 84% , а 80% по 3 години, со малку соопштени случаи на рецидиви дури и по 5 години .

По нанесување, кремот imiquimod (IMQ) 5% крем треба да остане да делува на кожата 8 часа , без миење, туширање или капење.

Дополнително, кога ќе почнат да се појавуваат крусти, истите може да се третираат со нанесување на генцијана виолетово во концентрација од 1%–2% за спречување раст на грам-позитивни бактерии . Најдобро е да се избегнуваат антибиотици во оваа фаза.