Отстранување на целулит — мезотерапија

Мезотерапијата претставува аплицирање на одредени супстанции во кожата со инјекциона техника, коктели против целулит, затегање на кожата и против опаѓање на косата. Овој третман е погоден за подмладување на кожата, забавување на процесот на стареење и третирање на брчки.

ASCLEPION PRO ЛАСЕР

Трајна епилација на несакани влакна со најновиот и најдобар ласер Asclepion MeDioStar NeXT PRO.

Козметички третман

Во Вивидерм се работат и голем број козметички третмани, како класично чистење на лице и аплицирање маски и креми од најдобрите француски и германски компании.

Ботокс за отстранување на брчки и стопирање на потење

Ботокс е една од најбараните методи во светот. Ботоксот е нехируршки метод против брчки во областа на челото, околу очите и меѓу веѓите. Се препорачува и за намалување и стопирање на прекумерното потење. Првите промени по овој третман се забележуваат по 72 часа.

Филери за пополнување на брчки и уста

Дермалните филери го надополнуваат загубениот обем, ги пополнуваат брчките и го враќаат сјајот на кожата. Филерите се нехируршки третман и преку вбризгување во кожата се пополнуваат брчките, се зголемува волуменот на усните и се ремоделираат контурите на лицето.

Хемиски пилинг

Хемискиот пилинг е медицински третман со кој се подобрува изгледот и текстурата на кожата, се постигнува измазнување на тенките и средно длабоките брчки, се избледуваат хиперпигментациите, се третираат лузни и акни, како и други оштетувања на кожата. Хемискиот пилинг, преку ексфолијација на клетки и стимулација на создавање колаген и еластин, го подобрува изгледот на кожата и нејзината структура. Тој е ефективен при решавање кожни проблеми како лузни, акни, брчки и оштетувања на кожата предизвикани од сонцето. Пилингот може да биде суперфицијален, односно површински, средно длабок и длабок, во зависност од типот на хемиската супстанција, нејзината концентрација, времето на дејствување и проблемот за кој е наменет. Третманот трае 30-45 минути и го изведува обучен специјалист дерматолог. Регенерацијата на кожата трае од 2-3 дена кај суперфицијалниот и до 5-7 дена кај средно длабокиот пилинг.

Дермален ролер

Третманите со дермален ролер се една од поновите методи во областа на мезотерапијата. Овие третмани се осмислени за брзо и ефикасно подмладување и регенерирање на кожата по природен пат, овозможувајќи намалување на брчки, стрии, лузни, како и затегање и подмладување на кожата.

ПРП метода — Platelet Rich Plasma

Третманот со плазма богата со тромбоцити е познат како ПРП метода. Се одвива со вадење крв од вена, потоа крвта се центрифугира и со инјекциона терапија, односно мезотерапија, се внесува под кожата. Со тромбоцитите се внесуваат матични клетки и фактори на раст, што помага да се стимулираат фибробластите да продуцираат природен колаген и хијалурон. ПРП се препорачува за коригирање на лузни создадени од акни, но и за подмладување на лицето, вратот, рацете, областа околу колената, внатрешниот дел од бутовите и стомакот. Со оваа метода кожата станува мазна, еластична и цврста, а брчките се намалуваат. ПРП се препорачува и за луѓе кои страдаат од губење на косата. ПРП е една од популарните природни методи за ревитализација, затегнување и корекција на кожата, како и за борба против стрии и брчки, а сè почесто се применува и на скалпот за поттикнување на растот на косата.